அஸ்ஸலாமு அழைக்கும் ! உங்கள் வருகைக்கு மிக்க நன்றி! அல்லாஹ் உங்களுக்கு அருள் பாலிப்பானாக !!நன்மையை ஏவி தீமையைத் தடுப்போம் ! எப்பொழுதும் நல்லதையே நினைப்போம் ! அல்லாஹ்வுக்கு நன்றி உள்ள அடியானாக இருப்போம்! எழுத்து வடிவம் மாற்றி அமைப்பது.��

Thursday 3 August 2017

இப்போது கூற வேண்டிய துஆ

இப்போது கூற வேண்டிய துஆ
ருக்னுல் யமானிக்கும், ஹஜருல் அஸ்வதுக்கும் இடையே செல்லும் போது, கீழ்காணும் துஆவை ஓத வேண்டும்.
رَبَّنَآ اٰتِنَا فِى الدُّنْيَا حَسَنَةً وَّفِى الْاٰخِرَةِ حَسَنَةً وَّ قِنَا عَذَابَ النَّارِ‏
”ரப்பனா ஆதினா ஃபித்துன்யா ஹஸனதன் வஃபில் ஆகிரதி ஹஸனதன் வகினா அதாபன்னார்” என்று நபிகள் நாயகம் (ஸல்) கூறியதை நான் செவியுற்றுள்ளேன்.
அறிவிப்பவர்: அப்துல்லாஹ் பின் ஸாயிப் (ரலி)
நூல்கள்: அஹ்மத் 14851, அபூதாவூத் 1616






ருக்னுல் யமானியை முத்தமிடுதல்
கஃபாவுக்கு நான்கு மூலைகள் இருப்பதை நாம் அறிவோம். ஆனால், உண்மையில் அரை வட்டப் பகுதியையும் சேர்த்துப் பார்த்தால், இரண்டு மூலைகள் தான் இருக்க வேண்டும். அரை வட்டமான பகுதிக்கு எதிர்ப்புறம் அமைந்த இரண்டு மூலைகளில் ஒரு மூலையில் ஹஜருல் அஸ்வத் பதிக்கப்பட்டுள்ளது. மற்றொரு மூலை ருக்னுல் யமானி என்று கூறப்படுகின்றது. இந்த ருக்னுல் யமானி என்ற மூலையையும் தொட்டு முத்தமிடுவது நபி வழியாகும்.
”நபிகள் நாயகம் (ஸல்) அவர்கள், நான்கு மூலைகளில் யமானி எனப்படும் இரண்டு மூலைகளைத் தவிர மற்ற இரண்டு மூலைகளைத் தொட்டு நான் பார்த்ததில்லை.”
அறிவிப்பவர்: இப்னு உமர் (ரலி)
நூல்: புகாரி 166, 1609

சைகை செய்வது கூடாது
ஹஜருல் அஸவத்தை தொட இயலாவிட்டால் சைகை செய்யலாம். நபியவர்கள் இப்படிச் செய்திருக்கிறார்கள். ஆனால் ருக்னுல் யமானிக்கு உரிய சட்டம் வேறு. ருக்னுல் யமானியை தொட வாய்ப்புக் கிடைத்தால் தொட்டு முத்தமிட்டுக் கொள்ளலாம்.
ஆனால் (1) அதை நேரடியாக வாயை வைத்து முத்தமிடுவதோ, (2) அல்லது தடியை வைத்து தொட்டு முத்தமிடுவதோ, (3) அல்லது சைகை செய்து தக்பீர் கூறுவதோ நபிவழியல்ல. கையால் அதனை தொட்டு, கையை முத்தமிடுவது மட்டுமே நபிவழி.

வணக்க வழிபாடுகளில் கியாஸ் அடிப்படையில் சட்டம் எடுக்கக் கூடாது. கூட்ட நெரிசலின் காரணமாக, ருக்னுல் யமானியை தொட இயலாவிட்டால், விட்டுவிட வேண்டியது தான்.
ஏனெனில், ”எந்த ஆத்மாவையும் அதன் சக்திக்கு மீறி இறைவன் சிரமப்படுத்த மாட்டான்” என்று திருக்குர்ஆன் கூறுகிறது. (பார்க்க திருக்குர்ஆன் 2:233, 2:236, 5:6, 6:152, 7:42, 23:62, 65:7)

No comments:

Post a Comment

popular posts......

Auto Scroll Stop Scroll